Maktab yangiliklari

“Toshkent Flowers Fest – 2026” gullar festivali boʻlib oʻtdi

Toshkent shahrida “Toshkent Flowers Fest – 2026” gullar festivali ko‘tarinki ruhda bo‘lib o‘tdi. Bahoriy go‘zallik, milliy qadriyatlar va san’at uyg‘unligini namoyon etgan ushbu festival turli tashkilotlar, ijodiy jamoalar hamda san’at ixlosmandlarini bir maydonga jamladi.

Festival hududida rang-barang gullardan yaratilgan kompozitsiyalar, manzarali bezaklar va fotozonalar tashkil etilib, tashrif buyuruvchilarga unutilmas taassurot ulashdi. Tadbir davomida milliy kuy-qo‘shiqlar, raqslar hamda sahna chiqishlari bayramona kayfiyatni yanada oshirdi.

Mazkur festivalda maktabimizning badiiy jamoalari ham faol ishtirok etishdi. O‘quvchilar tomonidan ijro etilgan kuy-qo‘shiqlar va jozibador raqs chiqishlari tomoshabinlar tomonidan iliq kutib olindi. Yosh iste’dodlarning sahnadagi mahorati, milliy san’atga bo‘lgan qiziqishi va ijodiy salohiyati festival mehmonlarida katta taassurot qoldirdi.

“Toshkent Flowers Fest – 2026” nafaqat gullar bayrami, balki san’at, go‘zallik va do‘stlikni targ‘ib etuvchi yirik madaniy tadbir sifatida barchaga manzur bo‘ldi. Festival yosh avlodni estetik did, tabiatga mehr va milliy madaniyat ruhida tarbiyalashda muhim ahamiyat kasb etdi.